Tuesday, June 18, 2013

.പുലഭ്യം ..


..പുലഭ്യം ..

ഇരുട്ടിലിരുന്നാണ് ഞാനെന്‍റെ
രാത്രിയും പകലും
വരച്ചുതീര്‍ത്തത്.
രാത്രിയെ നെടുകെ ഛേദിച്ചും
പകലിനെ തുപ്പലം കൂട്ടി മായ്ച്ചും
നിന്‍റെ ഓര്‍മ്മകളെ
കല്ലിലടിച്ചുകൊന്നും
ഞാനെന്‍റെ സ്വബോധത്തെ തൂക്കിലേറ്റി...
ഇനിയെനിക്ക് ,
നിങ്ങളെയെല്ലാം പുലഭ്യം പറയാം,
എന്നെ കല്ലെറിയൂ,
ഞാന്‍ ചിരിച്ചോളാം,
എനിക്ക് ഭക്ഷണം തരൂ
ഞാന്‍ തട്ടികളഞ്ഞൊളാം
ഒരു ചങ്ങല തന്നുനോകൂ
കാലിലിട്ട് ഇരുട്ടിനെ മെരുക്കുന്നതുകാണാം .
അതിനു മുന്‍പ്
ഒരു പുലഭ്യം കൂടി പറഞ്ഞോട്ടെ?
“എടീ കുരുത്തംകെട്ടവളേ,
ഇരുട്ട് നിറച്ച പാല്‍കുപ്പി
എന്‍റെ വായില്‍ തിരുകി
തിടുക്കത്തിലോടിമറയാന്‍
ആറടിമണ്ണിലെന്താ
വായുഗുളിക ഇരിപ്പുണ്ടോ???.”

ഷെബി ഒരു മഴതുള്ളി